Balkan Episode 3

Die Ruine vom Sarajevo Olympia 1984 sind definitiv en interessante Sach zum aluege. Es isch krass wie sich die Natur alles zurück holt!

Nach 100ti von Fotos und video hämmer üs uf de Weg nach Montenegro gmacht. Auch da isch keis Problem gsi über de Zoll, 3 Pass agluegt und hop drüber.

Öppe 15 Km nach de Zoll hät en wunderprächtig schöns Plätzli am See ghä wo mer übernachtet händ.

Nach eine erholsame Nacht hämmer üs für Track 44 entscheidet, de start isch öppe 1 Std vom üse Schlafplatz entfernt. Start Koordinate erreich und los geht de Neue Abentür. Sehr schöni landschafte und Montenegro isch richtig Bergig, entweder isch man im ne Schlucht oder ganz wit obe in de berge.

1 Km witer vom Ende Track 44 startet prompt die Track 45, die hämmer natürlich auch grad gnoh aber Leider… isch nümme e Schotterpiste sondern isch alles Asfaltiert worde bis uf em See. Richtig schad für üs weil, wie erwartet, dobe sind jede normali Auto gsi und zviel Lüt, de gegend isch trotzdem wunderschön. Mer hättet welle dort schlofe aber wege die viel Lüt semmer witter gfahre. 

Die Abwärzt fahrt isch imgege sehr Steil und mit Grosse Stein und sehr sehr lang.

Im Trackbuch stehet „Am Ende gerade, Freistell platz für Camping“. Na… mer send alli 3 müed vom ewige schüttle im Auto und hämmer dort übernachtet. Der Platz isch schön, ein grosse Flache Platz und etwa 15m witer abe isch e schöne Fluss. Mer händ üsi Stuhel pack, Chips, Bier und abe am Fluss am chille.

Am nächste Tag semmer die Track 46 go hole und die war richtig schön, nichts schwieriges zum fahre aber weit obe i de Berge e riiiiese Plateau mit krassi Landschafte und mer händ s ganze chönne überquere.

Am Ende dere Route hämmer gsehe, dass in in 50km würdemer a de start vom Track 49 cho, die uf en National Park führt… dann fahremer uf die Richtig. Min Navi zeigt Rechts, ich go rechts… plötzlich Schotter, einfacher easy Schotter, dann wird die Strasse schmaler, schmaler und noh schmaler und holperig… scheisse wo semmer da glandet 🙈 bi ein stell unmöglich witer zfahre also Rückwärtz bis en stell wo Spure gsehe ha… nach 3 versuech hani endlich gschafft rückwärtz uf de kak loch use zcho und de abzwigig erreicht, also um sicher z si, laufe zerst de ganz strecki zfues ab, es isch machbar… zum glück…

Nach 2 Std semmer 8km gfahre und endlich wieder Asfalt gfunde 😂 … mini nerve und kopf sind zestört. (Leider hämmer ke Fottis gmacht weil mer si zu in stress gsi und überhaupt ke Zit oder uf de idee cho noh zum föttele)

Trotzt alles semmer 2h später noh zum Start vom Track 49 gfahre.

Startpunkt erreicht. Ganz am anfang muss meh 4€ pro person zahle für öppe 4km strasse, dann chunnt me am en See wo recht turistisch isch, bim infopoint hämmer gfragt ob möglich isch weit obe im National Park z penne, die nette Dame hät gseit „20€ kostet für ufefahre uf de ganz strecki und dann ihr chönnt penne wo ihr wönd!“

Na!!! VOLL GEIL, noh mal 20€ blätteret und los. 

Ganz ehrlich… mer möget alli nümme nach de vorherige ungewollte abentür aber machemer doch witer. Ufe ufe und witer ufefahre bis…..

… ja genau!! De HAMMER!! Best Platz für mich in diese Ferien 😍, uf 1900 müm, kein mensch, ruhe pur, wansin ussicht, genau mis! 

Da obe isch dusse zimli frisch aber bim abdunkle semmer im kabine gange, öppis kochet, karte gspielt und ins bett gange.  Mitem Standheizig isch ja voll kuschelig warm da ☺️.

Wecker um 6:15 gstellt weil um 6:30 Sonnenaufgang isch und das wömmer ned verpasse. 

Nach de schöne Sonnenaufgang hämmer e Cafi gnoh und mer händ sogar 6 Wildsäu gsehe. Danach semmer au scho wieder los gfahre, das mal direkt auf die Offroad strecke.

Mer händ noh überlegt ob mer noh e Track söllet näh aber irgendwie hämmer etz gnueg vom Offroad und vom Montenegro hämmer jetzt viel gsehe 😍. Schön wars!

Also ab ans Meer abe im ne camping (isch öppe wieder mal Zit 😂).

Um die 2 am Nachmittag hämmer scho e camping gfunde. So können mer noh e chli de Strand gniesse, go bädele und e paar bier Trinke.

Zit wird knapp, also mer lueget für morn in Albanie e Fähri nach Bari z verwütsche und dann für die letzte Woche die Italienische Ost Küste ufezfahre. Wie s ganze weiter geht erfährt ihr bi üse nächste blog.

Noch e riese Danke an alli die üs folgen und bis bald!