Balkan Episode 2

Wie im Episode 1 erwähnt semmer nach üsi erste wildcamp Nacht nach de verlassene Airbase gange und ich weiss, … jede geht dort und jede macht de glichi Fotti aber, … es isch e bsuech mega Wert. Würklich cool zum go aluege und i de Flugzeug Kaverne inefahre!!

Nach de schöne erlebniss bim Airbase semmer wieder richtig Meer gange uf ne Spot Tip vom Kolleg (danke Raffi wegem Super Tip)!!
Da gniessemer üsi Zit und de geile Ort, mer freuet üs scho zum go schlofe… ned weil mer heut müed sind aber weil sicher schön isch mitem Gerüsch vo die Welle zum ischlofe 😍😍

Wie vermutet, isch e super Nacht gsi und top gschlofe.
Am morge hämmer das mal ned sofort packt so dern hämmer noh e chli de platz gnosse, go bädele, snorkle und guet frühstückt.
Um zirka 13 Uhr semmer denn losgfahre Richtung Trak numer 9 vo üse Buech, zu erst aber noh e Stop bim ne resti und fein Fisch gesse 😍😍😍.

Die Weg vom Buech isch am anfang ziemlich langwilig gsi aber wann man dobe isch sind dann sehr schöni Landschafte gsi und war sehr schön.

Am ende vo de Route hämmer gmerkt das praktisch scho e Woche verbi isch und mer immer noh wit obe in Kroazien sind 🙈😂😂. Also, schnell entscheidet und abe düset zum Start der Track Nr. 15, grad am anfang üse nächste Abentür hämmer en gmüetliche Platz am See gfunde und wir sind gespannt uf nächste erlebnis. Laut Buch sött e schöni strecke si!

Route 15 hät tatsächlich in sich gha… Wortwortlich zwüsche die Minenfelder und vo anfang ah aspruchvolli passage, U Turn mit Steinabsätz und lange stück wo nur schritttempo Fahrbar sind, es hat aber ebe viel spass gmacht. Ganz wit obe häts würcklich wunderschöni landschafte ghä und mer send imme paff gsi uf die vorstellig das überall Minen sind, ja nie de Weg verloh.

Im gros und ganze isch e sehr gute Route gsi aber ich verstoh ned wie möglich isch die in 3 std z mache wie im Buch stehet, mer händ öppe 5 e halb std gha… okay, mit pause und Militär Minensucher gegenverkehr, aber… ind 3 std isch uf minere Sicht unnmöglich.

Nach die wertvolli abentür hämmer entscheidet Kroazie z verloh, nach e Woche isch au öppe Zit, süsch wird üse Reis Vorstellig noh sehr sportlich 😂, aber da komm man wirklich nicht so schnell voran mit so viel z gsehe… anyway, mer händ entschidet über de Grenze z go und nach Bosnien zfahre.

Grenze händ all die 3 Pass kontrolliert aber süsch keis problem. Fahrrichtung „Track 23“, ufm Weg stehet en ganz kline Freiestellplatz am See uf 1200müm und dort hämmer auch aghaltet zum übernachte.

Erste idruck nach 2 std vo Bosnien? Brutali lanfschafte und Berge, 3 Lüt begegnet und OBER NETT. Aber jetzt ab ins Bett, morn steht noh e schöni Route vor üs uf die Berge Bosnien.

Moin…
Ufgwacht, cafi, alles packt und ab zum start Track 23, isch noh 1,5 std entfernt aber sött nümm so lang sie wie die vorherige.
Und promt semmer da bim start, üse Trackbuch führt üs wie immer gut über die Schotterpiste die der Navi gar ned kennt 😂😂 und ja… WAAANSIN, sehr sehr seeehr schöni landschaft. I muess sage, in gewisseni stelle hani mi so gfühlt als in Schwiz wäre!!

Nach gmüetlichi 3,5 std uf die wunderschöni Berge und Landschafte semmer uf ne mega herzige Dörfli cho wo dann die Route auch zu ende isch.
Mer händ entscheidet richtig Sarajevo z fahre und nach 4 Wildi Camp nacht isch langsam e duschi nötig…. „E chli stinke muesses“ aber e chli, ned zviel und mer send scho e chli uf die obere grenze.😂😂
Also ab ins Camping nähe Sarajevo, bierli, wii und dusche.

Nächste Ziel für üs isch de Olympische Stadt vom Sarajevo 1984 und danach wüssemer noh ned, aber das erfährt ihr im nächste Blog ☺️☺️

Ciao Ciao Zäme und bis bald.
LG
Quinn, Daniela, Tommy