Balkan Episode 1

Unterwegs sit Sonntig e bizli spöter als geplannt aber nur en std… das Problem war aber ned die spätere abfahrt sondern de Stau am Gotthard (11km). Mer händ also entscheidet de San Bernardino z näh, d Grossi hämmer au welle go bsueche aber leider war dann zu spät. Mer händ ke stau gmacht aber es hät trotzdem viel Verkehr gha so das mer die Variante ins Tessin (nähe Berghütte) z penne gnoh händ. Nach ein feine abendesse bim Vater semmer denn go schlofe und de Sonnenufgang hät üs mit energie getankt.

Nach ein Cafe am Morge semmer endlich los gfahre. Richtung Kroazie, Tages Ziel —> so wit wie möglich ☺️, verkehr ja, aber ziemlich sehr gut durecho. So guet das in ein Tag scho uf Kroazie acho send und schon bis Krk. Met fahrerwechsel semmer beide uf de schnore gsi und ke lust meh e Wildeplätzli z sueche gha, mer händ also de erste freie Platz bim en Camping gnoh, e spaziergang mitem Quinn gmacht, e Cocktail gsoffe  und dann send ziemlich früh gopenne.

Beide wie Stein pennt und erholt… nah JETZT starten eigentlich die Ferien richtig.
Am Morge semmer de Dorf Krk go aluege, en Herzige chline dörfli wo mer e Eiskafe trunke händ. Danach hämmer welle die erste Route unsere Track buch wele näh aber leider war de erste Bariere scho zue. Kein problem, wenige kilometer witer isch en andere Route gstartet und die hämmer problemlos chönne fahre. Interessanti gegend mit Wildross und schöni Landschaften.

Nach de gutgelungene Route isch Rab Insel üsere nächste Ziel, e 20min Fähre hät üs uf die Insle bracht. Schön hier aber sehr turistisch und nach Empfelungen lieber nicht Wildcampen. Also hämmer en Camping in Lopar agstüret wo Daniela scho kennt. Mer wönd auch die Ferien gniesse und ned nur fahare, drumm hämmer entschidet zwe Nacht da z bliebe… und schön isch es au da, Quinn hät spass und mer chönnt richtig Ferien Feeling gniesse.

Nach zwe wunderschöni Ferien Tag am Meer wie zwe volle Turiste hämmer üs ufm Weg gmacht nach Plitvicka See. Zu erst noch e kurze Besuch bim Städtli Rab und dann über en Schöne Pass.
Am Nachmittag hämmer de Ziel erreicht und semmer die See go luege.
Schöne gegend und isch e bsuech wert. 

Na die bsuech am See isch zit zu entscheide wo mer pennet, Camping hämmer gnueg gsehe und mer versuechet also de erste Nacht Wildzcampe. E Platzli hämmer gfunde. Aber mer send alli drü tot müed, schnellwas kochet und dann ab ins Bett.

Üse Reis goht witer richtig Flugzeugkaverne Željava und dann folgemer e paar Route vom Trackbuch. Aber um üsi nexte Abentür zu erfahre münd ihr uf nächste Blog warte ☺️☺️.

Tschüss zäme.